جربت اعمل الفراخ المقرمشة لكن اول مرة اعملها حلوة اوى كانت المرة دى هاقولكم عاملتها ازاى وجربوها وان شاء الله هتعجبكم اول حاجة تقطعى الفرخة الى 11 قطعة او زى ما تحبى وتغسليها كويس وبعدين تجيبى ماء بصل وثوم ومستردة وزبادى زعتر وروزمارى وملح وفلفل وتخلطيهم كويس اوى وتبلى بيهم الفرخة وتتركيها فى الثلاجة 12ساعة بعد كدا هتجيبى طبق غويط وتحطى فيه بقسماط ودقيق ومعلقة نشا ومعلقة شوفان وزعتر وروزمارى وملح وفلفل وبعدين يا فتوكة تجيبى الفراخ وتحطى قطعة قطعة فى هذه الخلطة وتضعيها فى الفريزر مدة لاتقل عن ربع ساعة وتكونى مجهزة على النار حلة صغيرة بها كميه كبيرة من الزيت ويكون سخن اوى اوى وبعدين تحطى فيه الفراخ قطعة قطعة ومتنسيش توطى النار شوية وبعدين تعليها تانى عشان الفراخ تستوى من جوا وهتشوفى احلى واطعم فراخ مقرمشة انا جربتها طلعت جنان وبالهنا والشفا ومتنسوش تدعولى بالذرية الصالحة
تحياتى شيماء
الجمعة ديسمبر 18, 2009 4:09 am
